Danir eru pain in the ass

Djöfull þoli ég ekki Dani stundum. Við Kristina erum búnar að vera talsvert mikið einar heima um helgar undanfarið, annað hvort af því að Jákup þarf að vinna (stundum tekur hann tvöfalda vagt svo við þurfum ekki að fara með til Jótlands eins og við höfum oft gert) eða spila fótbolta eða er boðinn í partý. Þá erum við svolítið einar í heiminum og förum í dýragarðinn og allt þetta klassíska. Hamingjan er í toppi þegar við eigum stefnumót með einhverjum með börn, þá líður helgin miklu hraðar. Nema að Danir kunna ekki að vera spontan, og maður þarf alltaf að vera búinn að skipuleggja eitthvað með þeim mörgum vikum fram í tímann til þess að gera eitthvað saman. Það er ógerningur að reyna að hringja í Dani samdægurs og heyra hvort þau vilji leika eða borða saman. Þau eru alltaf á Langeland að heimsækja ömmur og afa vegna gullbrúðkaups eða einhvern fjárann! Og ef maður hringir eða sendir sms, þá fær maður svar tveimur dögum seinna. Grrrrr...... Við Kristina fórum einar saman út að borða í dag. Hún fékk burrito og ís, og var öll útötuð á eftir. Ég hugsaði mikið um hvað þjónarnir hafi haldið. Greyið einstæða móðirin, nennir ekki að elda kvöldmat og leyfir barninu að sulla öllu niður.
Þetta er bara einn af þessum dögum! Ég var heima hálfan daginn í gær að taka til. Það sést ekki! En við fórum þó á ströndina í dag í æðislegu veðri og áttum yndislegan dag saman. Ég er að fara að vinna á morgun í svipuðu veðri og verð með teppi með mér til þess að njóta blíðunnar. Ég á þó að framleggja verkefnið mitt á þriðjudagsmorgun og er ekki byrjuð að undirbúa mig, þannig að stressið er að byrja að segja til sín. Vonandi verður lítið að gera í vinnunni!:)

Hver vill koma með í bíó í kvöld?

Mig langar svo í bíó, og langar að sjá 3 myndir: Untraceable, What happens in Vegas (til Jackpot os skiller) og Love in the time of Cholera. Vill einhver með? Það er svoooo langt síðan ég hef farið í bíó!

Húsmóðir hvað?

Ég veit ekki hvort ég eigi að þora að láta heimsku mína í ljós, en ég er búin að ákveða að taka áhættuna og treysti á að þið kæru lesendur (miðað við kommentafjölda hlýtur þetta að vera allstór flokkur -NOT!) missið ekki álitið á mér. Ef álitið er eitthvað þeas, eftir færslur síðustu vikna.


Ég og Jákup keyptum okkur uppþvottavél síðasta haust, þegar við fluttum inn í þessa íbúð. Okkur lá svo á að koma henni í notkun, að leiðbeiningum hennar var hent lengst inn í skáp ólesnum, og sáu ekki dagsljós aftur fyrr en í þessari viku. Síðan við keyptum hana er ég búin að kvarta undan því að hún þvoi illa, þurrki illa osfrv, og það nýjasta nýja var að uppþvottataflan var hálfóuppleyst í skúffunni þegar vélin var búin að þvo. Ég nennti þó ekki að gera neitt í því fyrr en prófi og verkefni var lokið, en fann þá bæklinginn góða fram. Þá komst ég að því að það á að setja 2kg af salti í uppþvottavélina!! Salt í uppþvottavél, aldrei hef ég tekið eftir mömmu og pabba gera það... Saltinu var alla veganna hent í, glansefni fyllt á, vélin þvegin tvisvar, einu sinni með vélahreinsiefni, og viti menn! Næst þegar ég þvoði, var allt glansandi hreint, þurrt og engir kalkblettir!:-D Ég á alveg ágætisuppþvottavél þrátt fyrir allt;-)


Hin nýja uppgötvunin hjá mér er, að ég á ekki að hætta við núverandi feril til þess að verða dagmamma. Það er alveg á hreinu. Jesús Pétur hvað mér finnst leiðinlegt að vera heimavinnandi húsmóðir. Stelpurnar eru samt yndislegar;)


Og viljiði svo kommenta á eitthvað annað en íslenskt málfar hjá mér??!

Lítil frænka er komin í heiminn!

Kristinn bróðir og Guðrún kona hans eignuðust litla prinsessu í gær. Hún kom á fleygiferð, lá á að koma í heiminn:) Sjá myndir á heimasíðunni hans Kristins!

Dagurinn í dag

Jákup fór í dag og keypti nýtt rúm handa prinsessunni. Rúmið er lágt eins og er, en það er hægt að setja stólpa undir og stiga, svo hægt sé að leika sér undir því. Gerum það seinna. Kristina er ægilega ánægð með nýja rúmið! Við drifum líka í því að setja upp myrkvunargardínur inni hjá henni, svo birtan sé ekki að halda henni vakandi.

Ég fór á meðan á lagersölu hjá þessu fyrirtæki! Ég slóst í för með Valdísi, Ragnheiði og Finni. Við gerðum góð kaup, og ég keypti eina peysu, tvo síðerma boli, 9 hlýraboli, eina skyrtu, einn kjól, þrennar buxur og einn bol á Kristinu fyrir 1700kr! Þetta var líka upplifun í sjálfu sér. Þarna voru konur með stóra sekki og hentu fötunum í, og fóru svo eftir á út í horn og sorteruðu. Þær stóðu á nærfötunum og mátuðu. Það var slegist um flíkurnar!

Jákup er farinn í grillpartý og við Kristina ætlum að hafa það huggulegt heima. Þegar hún er sofnuð ætla ég að plokka og lita og horfa á stelpumynd!!:)

Brjálæðingur

Það er dóttir mín! Hún lét sig gossa fram úr rimlarúminu í tvígang áðan af því að ég var að reyna að láta hana sofna sjálfa. Stórhættulegt! Hvað á maður að gera við svona börn??

Við vorum boðin í mat til Valdísar og Gauta í kvöld og fengum dýrindismáltíð; mexíkanska súpu og pizzabrauð, og súkkulaðiköku og þeyttan rjóma í eftirrétt. Ég rúllaði þaðan út, ég var svo södd! En mikið rosalega var þetta gott og huggulegt! Verst að ég á ekki barn sem hægt er að láta sofna hvar sem er og taka svo með sér heim, þannig að við urðum að fara snemma heim að hátta hana. Við verðum að endurtaka leikinn fljótlega hérna hjá okkur, svo við fáum heilt kvöld úr þessu:) Takk fyrir okkur!!

Búin að skila!!

Verkefnið er komið í höfn, búin að skila! Meira að segja nokkrum dögum fyrir skilafrest:D
Nú er bara próf í húðsjúkdómum á morgun, og svo er ég komin í 3ja vikna slökun! Ég þarf reyndar að vinna amk 2 daga og undirbúa vörnina á verkefninu sem er 3.júní, en mikið rosalega ætla ég að lesa margar bækur og horfa á sjónvarpið. Ég er ekki búin að gera annað en að vinna í verkefni og öðru í marga mánuði. Ég hlakka svo til!!
Á mánudaginn byrjar verkfall í leikskólum og vöggustofum í Danmörku. Ég ætla að taka að mér að passa Klöru fyrir Siggu og Stinna, og ætla að halda Kristinu heima líka einhverja daga. Þá geta þær leikið sér saman, það er eiginlega einfaldara en að vera bara með eina. Það verður skrautlegt að sjá okkur fara út, ég berandi þær á sitthvorum handleggnum niður af 4.hæð og í barnavagninn í sitthvorn endann:D Góð æfing fyrir næsta barn! Hehe
Jæja, lesa lesa. Síðasti slurkurinn fyrir próf.

Tannburstar og bað

Það verður að segjast eins og er. Dóttir mín er ekki óvitlaus! Í ljósi þess að það er hvítasunnuhelgi og flestallar búðir í Danmörku eru lokaðar, ákvað hún að henda tannburstanum sínum eða fela hann svo hún myndi sleppa við að fá burstaðar tennurnar í nokkra daga. Hún var burstuð á laugardagsmorgun og burstinn hefur ekki sést síðan! Hún fær nefnilega oft að bursta aðeins sjálf þegar ég er búin. Ég hef ekki grænan grun um hvar burstinn leynist, er búin að leita víða.
Annað tiltæki hjá dömunni var að taka ástfóstri við fingramálinguna sem ég keypti handa henni á laugardaginn. Lokin á dollunum eru svo litrík og flott, að hún vill helst taka þetta með sér hvert sem er. Ég reyndi að leggja litina til hliðar í smá stund í gær á meðan hún fór í bað, en lítil kríli skilja ekki hugtök á borð við "á eftir", "á morgun" osfrv. Það var því mikill harmleikur þegar átti að baða hana án litanna, og eftir smá stund gaf ég eftir og lét hana fá litina í baðið. Þá flutu dollurnar hinsvegar bara um allt og vildu ekki vera til friðs, og þá byrjaði harmleikur þáttur 2. Baðið var með öðrum orðum stutt í þetta sinn. Það þurfti að þurrka tárin:(

Veðurblíða og hlaupabóla

Það eru loksins komnar nýjar myndir af Kristinu á barnaland. Þessi er tekin í morgun þegar fröken ofurmorgunhress var að gramsa í gegnum nestið hans pabba síns (lesist: 5 kókdósir, hann nennir ekki að smyrja nesti!) áður en hann yfirgaf okkur yfir helgina til þess að fara að vinna. Við mæðgur erum búnar að vera ALeinar í dag og búnar að gera ýmislegt: fara í búð og kaupa allt sem tilheyrir svona hita (25 stig), vatnsmelónu, jarðaber, fötu og skóflu. Kristina er búin að fara með lubbann í klippingu. Og við fórum í dýragarðinn og í hjólatúr. Þar sáum við tvo svani með ungana sína og endur með ungana sína. Þvílíkt falleg sjón, og við drifum okkur af hjólinu til þess að komast nær, ásamt fleirum. Þá fór annar svanurinn að reyna að drekkja ungunum hjá öndunum, og gekk einna harðast að einum þeirra. Mér fannst þetta hræðilegt! Ég sá ekki hver afdrif ungans urðu, því við drifum okkur í burtu frá þessari grimmd.
Það á að vera heitt áfram á morgun og byrja að rigna á mánudaginn. Best að njóta veðursins á morgun líka.
Hlaupabóluveiðar þáttur 2 byrjar á morgun. Ein í mæðragrúppunni er með smitað barn, við reynum að fá þau til að knúsast á morgun:Þ

Leiðrétting!

Þið megið víst segja Kristinu eins mikið og þið lifandi viljið, því ég hef rangt fyrir mér! Ég var svo viss í sök minni, að ég athugaði ekki einu sinni beyginguna áður en ég hélt þessu fram. Ég þekki engar sem heita Kristina og hef aldrei einu sinni heyrt það beygt á íslensku. Þannig að ég hélt að það væri beygt eins og nafnið Kristín.

Að gefnu tilefni

langar mér að benda á að nafn dóttur minnar beygist á eftirfarandi hátt:
Kristina
Kristinu
Kristinu
Kristinar

Það segja nánast allir "dótið/stólinn/rúmið hennar Kristinu" og þetta sker mig í eyrun. Þetta er ekki algengt nafn og þess vegna skiljanlegt að fólk er í vandræðum með að beygja það, en þið getið tekið þetta til umhugsunar:)

Þá er Jákup orðinn ári eldri, nánar tiltekið í gær. Það er búið að halda uppá það tvisvar, með partýi og matarboði og hann fékk góðar gjafir og góða daga. Að vísu lenti hann í því að slasa sig á laugardaginn og við eyddum stórum hluta dagsins á slysó. Við náðum að koma heim 15mín áður en gestirnir mættu í partý! Partýið lukkaðist vel og lauk kl.5 um morgun. Kristina var í pössun hjá Siggu, Stinna og Klöru þrátt fyrir smá hitavellu og gekk það bara vel. Dúllurnar kysstust og dönsuðu og léku sér saman. Við máttum ekki vera að því að sofa meira en 3 tíma á sunnudeginum, því við þurftum að drífa okkur að ná í gullið okkar:)
Gamli maðurinn fékk sem sagt svona líka að finna fyrir aldrinum, hann er í fatla og getur lítið gert (eða á sem minnst að gera, en svindlar samt!). Mér líður eins og ég sé með tvö börn, nema að ég fæ bara að gera allt það leiðinlega eins og að skipta á bleyjum og bursta tennur. Kristina vill nefnilega bara vera hjá pabba sínum þessa dagana og finnst ég hundleiðinleg. En ég þarf samt að hjálpa honum að taka hana upp.... Get ekki beðið eftir að þessi fatli sé farinn. Og svo vill ég fá glaða barnið mitt aftur, sem er ekki með blöðrubólgu að öllum líkindum (það eru ennþá bakteríur í þvagi, en enginn hiti) og ekki að fá 3 augntennur í einu. Hún er vægast sagt pirruð og leiðinleg þessa dagana, og þegar við reynum að þvinga í hana sýklalyfjunum til þess að laga ástandið, þá gubbar hún næstum af ógeði. Skemmtilegt!

Síðasti dagurinn í klinik -ever!

Í dag lauk ég síðasta degi í klinik á spítalanum, á ævi minni! Næst þegar ég fer í hvíta sloppinn og skoða sjúklinga fæ ég laun fyrir það!:Þ Ég eyddi þó litlu af deginum í eitthvað viturlegt, var að mestu með höfuðið á kafi í verkefninu mínu í tölvunni. Það er nefnilega verkfall hjá hjúkkum í Danmörku og þar af leiðandi lítið að gera hjá okkur. Leiðbeinandinn minn er yfirlæknir á deildinni sem ég var á, og hafði líka lítið að gera. Þannig að við sátum niðursokkin í SPSS pælingar, að reyna að koma fleiri boxplottum á sama grafið;) Það fer nefnilega líka að líða að lokum þessarar verkefnavinnu. Ég veit að það virðist sem ég sé að vinna lengsta verkefni í heimi, en ég hef bara haft 2 tíma á kvöldin til að gera eitthvað af viti, og er þá yfirleitt að leka niður af þreytu. En nú er þetta loksins að klárast. Ég á að skila eftir 2 vikur, verja eftir mánuð, og framleggja á deildinni daginn eftir (ekki nauðsyn, bara til að skaffa sambönd sko;).
Á morgun á svo að halda uppá afmæli gamla mannsins á heimilinu. Jákup verður 28 á þriðjudaginn, og við ákváðum að bjóða í partý í síðasta sinn áður en við flytjum heim! Já, það verður ekki gert mikið af svoleiðis, þetta verður líka fyrsta partýið í íbúðinni. Við erum búin að fá Siggu og Stinna til að passa Kristinu fyrir okkur og allt klappað og klárt. -Nema hvað!! Kristina er komin með mígandi niðurgang og var snarað í sturtu áðan í staðinn fyrir bleyjuskipti, svo slæmt er það. Og mér finnst hún vera að fá hita. Hún er annars búin að vera hress í 2 og hálfa viku.
Nú eru góð ráð dýr. Það er eiginlega sorglegt að aflýsa partýi, Jákup er búinn að fjárfesta í svo miklu áfengi, og ekki eigum við eftir að torga því á næstu 9 mánuðum! Það verður spennandi að sjá hvernig hún verður á morgun. Annars verð ég að fara eitthvað með hana og gista. Börn eru snillingar í að gera svona á verstu tímum!