Heimferð

Við lendum í Keflavík kl.14 á morgun. Búumst við móttökunefnd með blómvendi og fána:)

Mikið verður gott að sjá mömmu og Gunnsa og Teddington og Kristinn og Pálínu!

Verð í síma 5874454 til 3.júlí:)

Tútillú

Update

Það var svo mikil rigning, þrumur og eldingar, að hátíðarhöldum var frestað fram á næsta sunnudag! Er það ekki týpískt 17.júní veður?:) Við keyptum bara íslenskt nammi og fórum aftur heim.

Hæ hó jibbíjei...

..það er kominn 17.júní!

Við systurnar og litla gerpið ætlum að skreppa niður í Fruens Böge og borða grillaðar pylsur með hinum Íslendingunum í rigningunni:) Kannski verður hægt að kaupa íslenskt nammi og Egils appelsín?:-o
Kristina hélt aldeilis vöku fyrir foreldrum sínum í nótt. Hún vaknaði amk á klst fresti og grenjaði, og vildi svo fara á fætur kl.5. Við erum ekki úthvíld í dag! Nú situr hún í fanginu á mér og slefar mig alla út af því að hún er að naga mini-gúrku. Það er sko aldeilis gaman! Ég held að hún sé að taka tennur....hvað er ég búin að segja þetta oft??

Garmurinn er orðinn 6 MáNaÐa!

Trúiði þessu?? Hvernig getur tíminn verið svona fljótur að líða?
Henni finnst grautur með banana best.
Hún kúgast af grænmeti.
Henni finnst brjóstin á mömmu lang best.
Tærnar eru líka ofarlega á vinsældarlistanum.
Hún kann að sitja sjálf.
Hún powernappar bara á daginn, hefur allt of mikið að gera til þess að sofa.
Hún stingur alltaf út úr sér tungunni þegar henni finnst eitthvað spennandi eða flott og heldur á sama tíma krampakenndu taki á hlutnum í hægri hendi.
Henni finnst ógeðslegt að koma við skeggið á pabba sínum, enda hefur hann verið óvenju duglegur að raka það af sér undanfarið...:)

Besta stelpan þeirra mömmu og pabba!

Emma

Ég er búin að vera í nokkra daga að reyna að koma þessu í orð. Ég átti að eignast litla bróðurdóttur. Litla frænka mín fékk ekki að lifa. Hún fékk nafnið Emma, sem mér þykir afskaplega fallegt. Ég er svo glöð að vera til á þessum tíma, þar sem allt er mögulegt, og ég gat fengið sendar myndir af henni þótt að ég sé hinum megin Atlantshafsins. Hún var alveg ótrúlega fullkomin og svakalega lík stóra bróður sínum. Fallega litla stelpan sem við hefðum elskað svo mikið. En við gleymum henni aldrei. Elsku bróðir minn, Guðrún og Teddi, þetta er harður heimur.

Kvennahlaup

Ég tók þátt í kvennahlaupi í dag og hljóp 5km á 28.53 mín. Ég er sátt við árangurinn, enda ekki mjög upplögð áður en haldið var af stað! Svo notar maður fyrstu mínúturnar í að berjast áfram á þessum þröngu göngustígum og bölva öllum feitu rössunum sem eru fyrir manni á leiðinni;-)
Ég fékk fullan poka af gjöfum, gos og snakk, auk þess sem númerið mitt var dregið út og ég vann íþróttatösku. Allt í allt mjög fínt:D
Dóra passaði fyrir okkur á meðan, því Jákup var í fótbolta, og gerði það með stakri prýði. Kristina lét frænku sína hafa svolítið fyrir sér, því Dóra fór með hana út að ganga, og þurfti að halda á henni undir lokin og ýta á undan sér barnavagninum. Þegar við komum heim var hún búin að borða, búin í baði og komin í náttföt og brosti út að eyrum. Algjör lúxus!:)

Hitakóf!

Hér er svo heitt að það er engu laginu líkt! Í dag var yfir 30 stiga hiti:) Ég fagnaði í undirmeðvitundinni, enda svo djúpt gróið í mann að því heitara því betra! En meðvitundin bölvaði hitanum af því að litli strumpurinn minn skilur ekkert í þessu og getur varla sofið né borðað:( Auk þess get ég ekkert legið í sólbaði með hana með mér, þannig að við erum bara í skugganum úti í garði saman. Í gær var allur mannskapurinn í húsinu okkar saman kominn úti í garði þar sem við borðuðum saman hádegis- og kvöldmat, spiluðum og lágum í hengirúmum. Voða kósý. Það er samt altaf auðveldara að fá krílin til að sofa í garðinum þegar hann er tómur, þannig að við fögnuðum því að kominn væri virkur dagur í dag! Við Jákup fylltum lítinn bala af volgu vatni í gær og leyfðum Kristinu að busla í honum. Okkur fannst við voða sniðug, en hún nennti því ekki til lengdar, vildi bara brjóst. Þau eru í miklu uppáhaldi hjá henni. Ég sé fram á að vera með hana á spena til þrítugs:-o Hún vill helst liggja á brjósti 6 sinnum á nóttu, og skynsemin segir mér að fara að stoppa þetta, en þegar maður er að leka niður úr þreytu mörgum sinnum á nóttu, gerir maður hvað sem er til þess að fá að sofna aftur.....
Hjúkkan kemur í heimsókn á morgun, sjáum til hvað hún segir við þessu öllu saman.
Á miðvikudaginn er ég að fara að hlaupa 5km kvennahlaup. Sem betur fer á að rigna þann daginn:) Ég hljóp 5km um daginn í 27 stiga hita kl.12 um daginn og hélt að ég myndi fá hitaslag á leiðinni!!