Fyrir alla uppteknu "Danina"

Við erum búin að setja dagsetningu á afmælið hennar Kristinu, það verður haldið sunnudaginn 14.desember. Allir taka daginn frá:)
Danir eru sko þannig að ef við erum ekki búin að skipuleggja afmælið með löngum fyrirvara, kemst enginn, af því að allir eru að fara í jólaskrautsgerð hjá frænkum sínum. hehe

Ég verð hreinlega þunglynd af að lesa mbl þessa dagana. Er allt að fara til andskotans? Krónan er að fara til helvítis, ljósmæður eru komnar með hærri laun en unglæknar, og glæpastarfsemin er að eyðileggja landið.
Aðalfréttir dagsins eru þær að trúlofunarhringurinn minn er strax kominn í viðgerð. Einn steinninn var að detta úr. Og Kristina kúkaði í koppinn í kvöld.

Villtumst í Odense

Helgin var mjög skemmtileg, en mikið rosalega kom ég litlu í verk! Í gærmorgun fórum við með Kristinu í klippingu og svo fórum við í göngutúr um miðbæinn og splæstum í smá föt á mig og dvd fyrir Kristinu. Svo fór seinniparturinn bara í lúra og afslöppun. Amma og afi hennar Kristinu komu svo að sækja hana, og hún náði bara í skóna sína og vinkaði bless:) Hún er ótrúlega auðveld, það er ekkert mál að láta passa hana. Hún svaf eins og steinn og var eins og engill hjá þeim fram á morgun í dag. Við Jákup skelltum okkur svo í afmælisveislu hjá Berglindi og Gyðu og skemmtum okkur rosalega vel. Við komum seint heim og vorum frekar framlág í dag. Svo enduðum við daginn á grillmat heima hjá tengdó. Ég er sko komin í náttfötin og ætla mér engin stórverk í kvöld. Ég finn það að ég má ekki við mörgum svona helgum, lesturinn situr algjörlega á hakanum! Svo er annað, síðan við komum heim frá Íslandi hefur verið eitthvað skylduverk í hverri viku sem eyðileggur lestur þann dag. Óþolandi tímaþjófur! Fyrstu vikurnar var það bíllinn, koma honum í lag og selja hann. Svo þurfti ég að fara í bankann að tala við ráðgjafann. Kristina þurfti að fara í læknisskoðun upp á spítala, til þess að meta hvort það eigi að ómskoða nýrun hennar. Ég þurfti að fara til læknis til þess að láta líta á fæðingarbletti, og þarf svo að fara aftur á morgun til þess að láta fjarlægja blessaðan blettinn. Kristina fer til HNE læknis á þriðjudaginn, ég til tannlæknis í næstu viku, og svo er komið að ómskoðuninni á miðvikudag í næstu viku. Ég má ekkert vera að þessu!! Enda verður ekki meira um lækna eða tannlækna í ár, búin að ákveða það:) Ég hef bara frá 13 til 15.45 til að lesa, og þá þarf ekki mikið til þess að eyðileggja það. Það er auðvitað lesið á kvöldin líka eins og hægt er, ef ég er ekki að sofna yfir bókunum.

Annars er alveg skammarlegt að segja frá því að við Jákup villtumst á leiðinni í afmælið í gær. Við hjóluðum þangað, og vorum amk 45mín að finna eitthvað sem max hefði átt að taka 15mín! Við erum bara búin að búa í Odense í 7 ár! Við hjóluðum óvart framhjá götunni sem við áttum að beygja inn, og svo þvældumst við um allt, yfir grindverk (hjólin líka!) og runna (jákup bar mig, hann vildi ekki eyðileggja sokkabuxurnar! hehehe), í kringum fótboltavöll og annað. Þetta var ævintýri í lagi! Þrælhuggulegt allt saman:)

Ég er svo sjúklega þreytt þessa dagana, það er ekki þægilegt. Ég get ekki haldið haus eftir kl.20 á kvöldin og er líka þreytt í skólanum á daginn. Það er verið að troða þvílíku magni af upplýsingum í hausinn á okkur að það hlýtur að vera að taka sinn toll. Það hjálpaði heldur ekki að ég fór í blóðbankann í gær og lét úr handleggi hálfan líter af blóði....hmmmm. Talandi um blóð.....ég skil enn ekki þetta hæmostase drasl sem fjallar um alla storknunarfaktorana og annað, og mun aldrei gera til fullustu. Ég verð sem sagt aldrei mediciner:(
Spennandi að sjá hvernig maður verður útlítandi eftir 4 mánuði, pant ekki láta taka myndir af mér í útskriftinni!

Baðdýrið okkar

Einu sinni sat maður stilltur og góður í baði. Nú er mesta sportið að klifra í og úr balanum og henda baðdótinu í báðar áttir:)
Kristina byrjaði í leikfimi í gær. Hún fer með foreldrunum einu sinni í viku. Hún stóð sig eins og hetja í gær, þótt hún væri yngst. Hjalte, Tobias, Isak og Andreas eru líka með (allt börn bekkjafélaga okkar). Rosa stuð! Það velta fram ný orð á hverjum degi núna. Hún segir meira, bíll (og bendir bæði á bíl og hjól!) og bók m.a. Svo klifrar hún upp í barnastólinn sjálf og getur hoppað. Þetta er rosalegt.

Mér tókst að búa til óætt lasagne í kvöld. Það var eitthvað skrítið, annaðhvort kjötið eða osturinn... Mig grunar kjötið, vinir okkar tæmdu frystinn sinn í okkar um daginn áður en þau fóru til New Zealand í hálft ár, og ég veit ekki hvort þetta var nautakjöt eða eitthvað annað og hversu lengi það hafði verið í frysti! Ég endaði amk á því að borða ís í kvöldmatinn. Kristina vildi frekar epli og fékk það, og Jákup kláraði svo ísinn þegar hann kom úr fótbolta. Ergilegt, því þetta átti að vera í matinn líka á morgun, til þess að spara okkur vinnuna:( Við fáum þá bara SSpylsur í staðinn;)
Við seldum bílinn í dag. Söluverðið var nú frekar slapt, en notaðir bílar eru því miður ekki mikils virði þessa dagana og ég er bara fegin að við gátum borgað bílalánið niður. Þá er það bara að hjóla aftur alla daga! Ég fékk forsmekkinn af því í dag, náði í Kristinu með skólatöskuna á bakinu með tölvu, þungri bók og hinum ýmsu pappírsmöppum í, ásamt nesti og öðru. Sjæse. Spurning um að stoppa við heima fyrst og skila af sér töskunni. Ég verð orðin mössuð um jólin;) Það á að rigna alla vikuna og ég fékk pent að heyra það í dag frá Jákupi að ég væri ekki mjög smart í regnjakkanum mínum. Hmmmm, hvað gera bændur þá? -Þá verður hann að kaupa á mig nýjan, er það ekki?:)