Tvífarar?

Stokkhólmsprinsessan

Kristina dúllurass

Vinkona hennar Helgu vinkonu minnar átti stelpu í Svíþjóð 17.des, daginn eftir að Kristina fæddist. Hún var þó ekki sett fyrr en 12 dögum seinna eða svo, og ég átti 11 dögum eftir settan dag, þannig að það er smá stærðarmunur á þeim. En ég rakst á síðuna þeirra fyrir nokkrum dögum síðan og fannst alveg sláandi mikill svipur með þeim! Það er reyndar erfitt að finna myndir sem sýna það, en við foreldrarnir þekkjum svipina þeirra og erum sammála um að um tvífara er að ræða:-) Svo eiga þær næstum því sama afmælisdag. Það er ekki sólarhringur á milli þeirra. Þær eiga kannski eftir að vera saman í bekk einhvern tímann í framtíðinni? Stokkhólmsprinsessan á eftir að fá nafn, og bíð ég spennt eftir að heyra hvað hún á að heita...ég veðja á Kristín!:)

Elsku mamma er búin að vera hjá okkur síðan á miðvikudaginn, og það er svo ljúft...:) Í sömu andrá og hún kom inn um dyrnar byrjaði litla krílið að fá magakveisu, sem stóð á í 3 daga, og það er því búið að vera æðislegt að hafa 2 auka hendur til þess að ganga um gólf. Mamma er galdrakvendi að auki, því henni tekst að svæfa Kristinu á 5 sek! Hún er búin að sofa eins og engill á milli kveisa. Ég er líka búin að koma mun meiru í verk en venjulega á meðan mamma hefur verið hérna, m.a. leikfimisæfingarnar mínar tvisvar;-) Svo fór ég á árshátíð í gær hjá félagi læknanema í Danmörku, sem haldin var hér í Odense. Ég hélt það út til kl.22.30, svo gat ég ekki verið lengur frá litla barninu mínu:) En það var rosalega gaman.
Í kvöld var enn einn lúxusinn, ég og Jákup fórum í bíó! Mamma gaf bara pela á meðan og svæfði hana eins og henni einni er lagið... Við sáum Night at the Museum. Hún var vitlaus, en skemmtileg.

Við elduðum Dyrhamra kjúklinginn áður en við fórum í bíó. Hann klikkar ekki. Nú er ég algjörlega andlaus varðandi mat á morgun. Þoli ekki hvað ég er full af hugmyndum suma daga, og gjörsamlega tóm aðra daga. Samt er frystirinn fullur af mat!

Ooooo, mig dreymdi í nótt að ég hefði unnið 5 milljónir danskar - í spilakassa! Ekki slæmt það! Ég var byrjuð að láta mig dreyma um hvað ég ætlaði að gera við peningana. Efst á lista var að kaupa hús handa mömmu og pabba! Aðallega held ég af því að það er ekkert pláss fyrir mig þegar ég kem í heimsókn:) Eigingjörn gjöf! hehe
Jákup er loksins búinn að játa því að fara til Íslands á kandídatsárið, það er eiginlega ekkert vit í öðru. Hvernig eigum við annars að geta bæði unnið sólarhringsvaktir með lítið barn? Nú er ég svo spennt að klára, mér er farið að liggja á! :-D Tvö ár......

Ég fór út að borða með krökkunum í bekknum mínum á föstudaginn og Jákup var heima með Kristinu. Það var tapas á boðstólnum. Þetta er í fyrsta sinn sem ég borða tapas og ég verð að viðurkenna að ég varð fyrir vonbrigðum. Það voru 8 réttir í boði, og þeir byrjuðu á því að tilkynna okkur að það væri takmörkun á tveimur af réttunum, maður mætti bara fá sér 2stk rækjur og 1 stk lax á kexi. Þá var ekki um margt að velja! Ég var alvarlega að hugsa um að skella í mig cheeseburger á leiðinni heim....:) En það var gaman að fara aðeins út! Ég varð þó fyrir smá áfalli þegar ég fór að máta föt til þess að fara í, því ég er ekki búin að missa síðustu kílóin enn, og það var allt eitthvað svo þröngt sem ég mátaði?:-/ Best að fara að herða sig í rassæfingunum! Það er erfitt að vera með svona góða matarlyst núna!

Í gær fór Jákup í partý og ég var heima. Við fundum þó lítið fyrir því, því hann fór svo seint af stað að við fórum bara fljótlega að sofa, og áður en við vissum af var hann kominn heim aftur:)

Í dag bauð Margrét Lára okkur og hinum læknanemunum í bollur og kaffi í tilefni bolludagsins. Það var virkilega huggulegt að hitta alla krakkana og Kristina Ósk sat til skiptis hjá öllum stelpunum. Ég held að henni hafi ekki þótt það leiðinlegt!

Yoga og hor

Kristina er loksins að ná sér af kvefinu og hóstanum, og ég var sjálf loksins hitalaus í nótt. Nú er Jákup orðinn veikur! Það á ekki af okkur að ganga! Ég er uþb að fríka út í þessari einangrun! Ég get ekki hitt neinn með lítil börn, af því að ég vill ekki smita frá okkur. Og allir aðrir eru uppteknir. Halldís er búin að bjarga geðheilsu minni með því að hringja og kíkja í heimsókn! Takk elskan;)

Það verður svo gott að fá mömmu í heimsókn í næstu viku, ég hlakka svo til að sjá Kristinu sjarmera hana eins og hún gerir við okkur:) Og geta hlaðið upp batterýin eftir erfiða síðustu viku. En dóttir mín er algjört yndi. Hún er svo glöð og ánægð og fyndin. Það er ekki slæmt að vera í einangrun með henni;)

Ég fór í yoga á föstudaginn (það eina sem ég gerði alla vikuna) og Kristina svaf allan tímann í burðarrúminu, svo ég gat gert allar æfingarnar (og þurfti ekki að hafa áhyggjur af því að hún smitaði hin börnin):) Ég er eins stirð og spítukall! Kennarinn blandar inn í þetta styrktaræfingum fyrir bak, rass, læri og grindarbotninn, og mikið hata ég rassæfingar! En það er gott eftir á;-) Ég var með harðsperrur daginn eftir í fyrsta sinn í marga mánuði, góð tilfinning... Hlakka til að halda áfram í yoga og vonandi verð ég aðeins liðugri þegar lengra líður á námskeiðið! Þá get ég stolt skellt mér í yoga á Indlandi með þér Sigrún;-)

Ég þoli ekki þessar Freyju Rís auglýsingar á blogcentral. Af hverju? Af því að mig langar í Rís!!:(

Barnið er veikt í fyrsta sinn. Ekki gaman, hún er bara lítil og grætur og á erfitt með að anda á meðan hún drekkur. Ég kenni nágrönnunum um. Tvíburarnir eru nýbúnir að vera með RS vírus, og þau voru ekki beint að reyna að hlífa Kristinu. Ég er líka rosalega fúl út í sjálfa mig fyrir að vera ekki harðari og segja við þau að halda sig frá henni -oftar en ég gerði, því ég reyndi. Vond móðir.

En ég er að lesa alveg þvílíkt góða bók, að mér finnst. Kongemordet, sem fjallar um danska pólitíkusa og flækjur í kringum þá. Ég náði sko að lesa slatta í gær því veika barnið sefur svo mikið á daginn, ekki á nóttinni. Þegar ég er búin með hana ætla ég að halda áfram með Konungsbók. Ekkert nema konungar á þessu heimili:)

Á matseðlinum í kvöld er kjúklingur með bönunum og möndlum í karrý/tandoori sósu, með hrísgrjónum og salati. Mmmmm. Marianna kemur í mat.

Kristina Ósk fór að gráta með tárum í morgun. Hræðilega sorglegt. Tilefni: illt í mallanum. Mig langaði að fara að gráta líka, því þetta var svo nýtt.

Ég eldaði túnfisksalat bakað í brauði, og salat með appelsínum og vínberjum í kvöldmatinn. Mmmm, mjög gott. Ég veit að systkini mín fetta eflaust uppá nefið:) Á morgun er kjúklingaréttur með mango-karrý sósu á matseðlinum. Ég er bara búin að fara í 4 búðir að leita að því sem mig vantaði í réttinn. Nóg að gera í tilraunamatargerð!:-D
Fór í klippingu í gær fyrir morðfjár. Very nice.
Búin að kaupa 2 sængurgjafir og bíð spennt eftir að komast í heimsókn og kíkja á nýjustu krílin í vinahópnum. Þau fæddust sama daginn, 31.jan. Þau eru ekki nema 11 og12 merkur, það verður gaman að sjá svona lítil kríli, þar sem mín er að verða svo stór!