Helgin

Herborg og Bjössi eignuðust yndislega prinsessu í fyrrinótt, þann 19.02.6, og öllum heilsast vel. Ég bíð spennt eftir myndum af henni! Á svona stundum bölva ég vali mínu á háskóla! Ég vildi að ég væri heima svo ég gæti séð litla krílið á meðan hún er ennþá kríli:( Þau stækka svo hratt þessi börn.

Ég tók á móti tveimur börnum í nótt, bæði strákar, á fæðingadeildinni í nótt og fór næstum því að grenja í bæði skiptin:) Mikið var þetta yndislegt! Ég er ekki frá því að ég geti enn hugsað mér að verða kvensjúkdóma- og fæðingalæknir, eins og ég sagði þegar ég byrjaði í náminu! Ég var líka svaka stolt, fékk að finna hversu mikil útvíkkunin var og gat sagt það upp á hár, og fékk svo að taka á móti sjálf:-) Ég er á fæðingadeildinni alla þessa viku, þannig að ég næ vonandi að tárast nokkrum sinnum í viðbót!

Svo fór ég út að hlaupa á laugardaginn, minn venjulega hring. Ég var ein af því að J er byrjaður á svaka æfingaprogrammi með vini sínum 5 daga vikunnar, þar sem þeir m.a. hlaupa úti 2svar í viku. Annars finnst mér miklu skemmtilegra að hafa smá félagsskap. En ég fór sem sagt út með útvarpið í eyrunum og þegar ég var hálfnuð hringinn, ætlaði ég að hoppa yfir einhverja ójöfnu, nema að ég veit ekki hvernig það átti sér stað....ég flaug á hausinn fyrir framan fullt af fólki!:( Týpisk ég!! Ég auðvitað skammaðist mín svo að ég hoppaði á fætur, hristi lappirnar og hélt bara áfram:-) Svo kom ég heim og fékk plástur á hnéð hjá Jákupi:) Hahahaha, mér líður eins og 5 ára krakka!

Nóg að gera

þessa dagana. Ég er í klinik alla daga að prófa eitthvað nýtt og er dauðþreytt af því að ég fer of seint að sofa:-) Við erum búin að panta miða til London í mars þar sem við ætlum að hitta Kristinn og Pálínu! Einnig er Pálína búin að panta miða fyrir okkur á We will rock you, Queen söngleikinn. Við erum rosalega spennt og hlakkar mikið til að sjá þau!
Þangað til gerist þó margt og mikið, partý á partý ofan, m.a. árshátíð íslenskra læknanema í Danmörku, sem haldin er í Árósum í þetta sinn. Gott að maður er ungur enn:)

Algjör bilun!

Þetta mál um Muhammed teikningarnar hérna í Danmörku og á miðausturlöndum er algjörlega að fara út í öfgar. Ég skil ekki hvað er að gerast.
Svo er annað mál sem er að fara út í öfgar, og það er ruslamálið í húsinu okkar!:) Ruslið var ekki tæmt í síðustu viku og nú eru ruslatunnurnar að drukkna í eldhúsrusli. Húsvörðurinn okkar tapaði sér þar af leiðandi og lét það bitna á Lene og Simon fyrir að sortera ekki ruslið hjá sér, og að fyrir að henda dagblöðum í ruslið! Hann öskraði og skammaðist út í þau og talaði um að ef allir tækju sig ekki saman í andlitinu þyrftum við að fá ekstra tunnu og þá myndi húsaleigan hækka. Hann ætti að horfa aðeins meira á sjónvarpið og átta sig á muninum á smámunum og stórmálum:) Ég og Jákup fórum út í dag og krömdum alla pappakassa og slíkt og tókum allt það rusl sem kom í veg fyrir að hægt væri að loka tunnunum og settum í stóra svarta poka, og lögðum við hliðinna á. Hann brölti svo ofan á tunnurnar og hoppaði á þeim þangað til hægt væri að loka. Ég fór svo seinna í dag og talaði við kærustu húsvarðarins. Þá sagði hún skömmustuleg að ruslabílarnir væru kannski ekki búnir að koma út af hálku og að það væri kannski eina ástæðan fyrir því að það var svona mikið rusl. Best að æsa sig út af engu:) hehehe

Ég er búin

ad vera alveg sveitt ad klára ad undirbúa mig til ad hitta leidbeinandann minn kl.15 í dag, til ad undirbúa kandídatsverkefnid mitt (sem vid nota bene thurftum ad byrja alveg upp á nýtt med, af thví ad hitt verkefnid var ekki nógu gott). Á milli thess sem ég er í klinik á fædingadeildinni er ég búin ad vera ad lesa greinar og lesa um eyrnasjúkdóma, sem vid erum ekki búin ad læra um ennthá. Svo eftir klinik í dag mæti ég á thennan fund med lækninum, nema hvad hann er á bakvakt sem háls-nef-og eyrnalæknir og thad streyma alveg hreint inn sjúklingar hjá honum og hann er ýmist í símanum eda hlaupandi nidur til ad kíkja á blódnasir. Thannig ad vid thurftum ad finna annan dag til ad hittast! Ég hefdi betur getad sparad mér vinnuna! Nú hef ég tæpar tvær vikur til ad dúllast med thetta. Og svo er ég ad fara á næturvakt í nótt og á morgun. Ekki batnar thad:( Oj ég á svo bágt. Ég ætla í sárabætur ad kaupa mér mat á leidinni heim. J er ad hjálpa Rúni ad flytja og fær pizzu fyrir.