Desemberbakstur

Afmæliskakan hennar Kristinu fyrir morgundaginn. Það koma kerti á hana á morgun:) Sjá má heimatilbúna konfektið í bakgrunninum.

Litla snúllan mín svakalega kát sitjandi hjá pabba sínum.

Stóra alvarlega stelpan mín!

Við Kristina að baka piparkökur síðustu helgi.

Ég nennti ekki að læra seinnipartinn! Ég fór því heim, henti af mér töskunni og fór að sækja Kristinu snemma. Við fórum svo í búð og keyptum inn fyrir afmælisveisluna um helgina. Já, litla snúllan verður 2ja ára á þriðjudaginn. Ótrúlegt hvað tímanum líður! Svona leit hún út fyrir ári síðan:D Svo fórum við að baka og búa til konfekt. Gaman!
Á morgun erum við búin að bjóða okkur sjálfum í mat hjá tengdó og ætlum að halda upp á afmælið hennar með þeim. Við komum með köku með okkur, þessa á efstu myndinni. Það eru 3 botnar með kremi á milli undir marsípani:D Vonandi er hún góð!
Á sunnudaginn koma svo vinir hennar Kristinu og foreldrar þeirra og þá verður bökuð ný kaka, bollur og fleira. Alltaf gott að borða, hehe. Það verður líka gaman að fá gesti og vera svolítið saman, því nú fer kennslu að ljúka (næsta föstudag) og þá er daglegum samskiptum okkar foreldranna úr bekknum að mestu lokið. Það verður svolítið skrítið að byrja nýja lífið á næsta ári. Og skrítið að hitta ekki allt þetta fólk á hverjum degi í skólanum. Við erum öll farin að telja niður dagana fram að prófum, og ekki minnst fram að partýinu okkar þann 15.jan! Hehe það verður skondið, það drepast eflaust allir fyrir kl.23 vegna ofkeyrslu síðustu vikna. -En við verðum fleiri en bara bekkjarfélagarnir í afmælinu og við hlökkum líka til að sjá það fólk;) Kristina er alveg sérstaklega spennt fyrir því að hitta Klöru vinkonu sína.

Snillingarnir við keyptum jólatré á sunnudag. Það var sjálfsafgreiðsla á trjánum og netið til þess að pakka trjánum inn var búið. Við tókum því eitt tré sem var pakkað inn án þess að sjá hvernig það leit út. Hæðin var samt fín, og það leit út fyrir að vera þétt og gott, sem ég legg áherslu á, eftir tréð sem pabbi keypti hérna um árið;) Þegar heim var komið klippti Jákup netið af trénu og -bojng! Tréið dreifði úr sér um hálfa stofuna, og ekki er hún lítil!! Allt jólaskrautið okkar nægir ekki til þess að hylma yfir græna litinn nema að litlum hluta, og litla ljósaserían okkar er ansi vanmáttug gagnvart þessum mikla greinafjölda! Og við sem verðum ekki einu sinni hér á aðfangadag... Nú erum við amk tilbúin fyrir jólin. Gjafir -tjékk. Piparkökur -tjékk. Súkkulaðismákökur -tjékk. Gígantísk jólatré sem skyggir á sjónvarpið -tjékk.

Jólasnatt

Við erum búin að skreyta, kaupa flest allar jólagjafirnar og ætlum ekki að senda jólakort í ár. Við eigum bara eftir að baka piparkökur og búa til konfekt og þá mega jólin koma:) Það er jólaball í legestuen á morgun og Kristina var ekki lengi að læra að kíkja í jólasokkinn sinn á morgnana til þess að kíkja eftir pakka, þannig að hún er í stífri jólaþjálfun þessa dagana!
Við erum orðin ansi þreytt, og helgin fór alveg með okkur. Við fórum á sitt hvorn julefrokostinn og svo vorum við í köben yfir helgi til þess að halda upp á afmælið hennar Annie. Við fórum í jólatívolí og fórum út að borða. Ég var búin að hlakka svo til að sýna Kristinu tívolí, nema hún svaf það nánast af sér, og vaknaði ekki fyrr en stuttu áður en við þurftum að drífa okkur í lestina heim. Þegar heim kom fór hún beint að sofa og ég rembdist við að læra fram á kvöld en sá eiginlega tvöfalt á meðan. Svo var skóli kl.8 mánudagsmorgun, en við erum vön að mæta kl.9 og tökum því rólega á morgnana. Það var ræs hér kl.6 og allir af stað. Ég reyndi að halda mér vakandi á kaffi framan af, en varð að játa mig sigraða í síðasta tímanum og lokaði bara augunum og svaf af mér allan tímann! Þá gat ég lifað allan seinnipartinn af, þegar ég var að fara yfir garnafræðina með Lina. Hér er lærdómur á dagskránni öll kvöld, en ég er orðin þreytt kl.19, þannig að það verður erfiðara og erfiðara að halda einbeitingunni. Þetta er sem betur fer að verða búið. Mánuður í fyrsta próf.
Í dag þurftum við að eyða deginum í snatt. Áttum fund með bankaráðgjafanum til þess að tilkynna um breytt áform, þar á meðal brúðkaupsplön! Hún átti eiginlega ekkert val greyið en að lána okkur heilan helling fyrir því, og til þess að komast í gegnum síðasta hjallann þangað til við förum að fá einhver laun:) Svo ræddi Jákup við kirkjuna, ég við hárgreiðsludömu og við kokkinn. Við fórum líka í búð og gerðum óskalista fyrir brúðkaupið. Nóg að gera í þessum dúr, en nú megum við eiginlega ekki vera að meiru, og ég vona að það sé komið nóg fram í janúar.