Bókatíðindi 2010

Mig langar hræðilega í :

Yrsa Sigurðardóttir "Ég man þig"
Arnaldur Indriðason "Furðustrandir"
Þórarinn Árnason "Morgunengill"
Kristín Marja Baldursdóttir "Karítas án titils"

Spurning um að gefa sér eins og eina bók í jólagjöf frá sjálfri sér? :)

Maður lærir allt lífið

Mikið get ég orðið þreytt á því stundum að vera enn að læra á lífið, orðin 30 ára. Ætli ég sitji enn þegar ég er orðin sjötug og nagi mig í handarbakið yfir einhverju sem ég sagði eða gerði?
Í mínu lífi fjallar það yfirleitt um að gjamma of mikið um eitthvað við einhvern. Og fatta það um leið og ég sleppi setningunni að ég hefði betur látið það vera. Það er bara þannig að ég greinilega á erfitt með að gera upp atburði með sjálfri mér fyrr en ég er búin að tala út um það. Og þyrfti stundum að sitja á mér, eiga það við sjálfa mig eða bíða þangað til ég er komin heim að tala við Jákup. Ég er alltof fljótfær, þoli það ekki! Og svo er ég oft of hreinskilin fyrir marga. En það er þeirra vandamál.
Djöfull hlýtur maður að vera orðinn klár um áttrætt! :)

Það er stöðugt verið að gera grín að því í vinnunni að ég sé síétandi. Hjúkkurnar segja að ég sé alltaf gúffandi eitthvað þegar þær sjá mig. Svo sagði ein þeirra í gær og ég hlyti að vera með hraða brennslu fyrst að ég gæti alltaf verið að áti. Ég held í alvöru að það sé í fyrsta sinn á ævinni sem ég heyri að ég hljóti að vera með hraða brennslu! En ég er satt að segja sjálf farin að hafa hálfpartinn áhyggjur af því hvað ég get látið ofan í mig af súkkulaði og ís án þess að það sjáist. Ætli ég sé að skipta alfarið um brennslukerfi á gamals aldri? (og þá meina ég gommuna af súkkulaði og nammi sé ég át í síðustu viku og ekki búin að bæta grammi á mig eftir helgina!) En er samt alveg til í að missa 2-3 kg sko.....Svona eru konur alltaf hálfklikkaðar :D hehe

Ég er bara ansi hress með að hjóla á morgnana þó ég sé búin að væla um annan bíl. í fyrsta lagi er þetta að venjast mjög vel (aftur. Er jú búin að hjóla allt daglega í mörg ár.) og mér finnst bara hressandi núna að mæta sveitt í vinnuna og vera búin að viðra mig aðeins áður en langur dagur byrjar. Í öðru lagi fitna ég ekki :) Í þriðja lagi tæmist hausinn af sjúklingum og hausverk á leiðinni heim! Snilld. Snjórinn má láta bíða eftir sér eins lengi og hægt er.

Eftir tvær og hálfa viku ætlum við Kristina að skella okkur í mæðgnaferð að heimsækja Dóru systur! Júhú!

Kröfur samtímans

Stundum verður mér hugsað að það sé stórfurða að kvenfólk í dag skuli almennt vera við góða geðheilsu. Í dag þarf maður að uppfylla öll hlutverk samtímans á sama tíma. Vera í góðri og krefjandi vinnu, sinna börnunum vel, vera góð eiginkona, líta vel út, stunda líkamsrækt, elda allan mat sjálfur og helst raw food eða amk allt lífrænt ræktað og sykurlaust, eiga góða vini sem maður hittir reglulega, vera virkur í foreldranefndum í skólum og leikskólum, og vera alltaf vel klipptur og vel klæddur!

Týpísk vika lítur svona út hjá okkur:

Mánudagur: Ræs kl.6, hafragrautur, nesti smurt, samningaviðræður við Kristinu um í hvaða föt hún á að fara. Út um dyrnar kl.7, Jákup keyrir Kristinu, ég hjóla með Írisi. Jákup keyrir í 35mín í vinnuna, ég hjóla á 15 mín frá dagmömmunni. Vinna til kl.15, sækja báðar stelpur á hjólinu og heim að fá okkur smá nasl og leika. Jákup kemur heim og ég elda mat, við fóðrum stelpurnar og böðum þær, lesum og háttum og þær fara að sofa á milli kl.18 og 19. Svo þarf að ganga frá þvotti, taka til, henda í uppþvottavél og svo er ýmist búið að slökkva á batteríinu mínu og ég dett út af kl.21, eða ég fer að vinna í rannsóknarvinnu í tölvunni (plús mínus facebook og mail! :)

Þriðjudagur: Jákup fer á næturvakt, á að mæta kl.15. Ég er ein með allan pakkann um kvöldið. Kristina fær að sofna í mínu rúmi. Íris vaknar 4 sinnum yfir nóttina og stelpurnar taka saman allt plássið í hjónarúminu. Ég með samviskubit yfir að hafa þurft að skamma Kristinu tvisvar á þessum tveimur tímum sem við erum saman fyrir háttatíma. Og enn einu sinni komst ég ekkert í ræktina í dag.

Miðvikudagur: Við vöknum saman allar þrjár kl.6, og nú þurfa að vera hraðar hendur til þess að komast af stað tímanlega til að hjóla með báðar stelpurnar fyrir vinnu. Helv... hjólavagninn er með vesen eins og venjulega. Dreymir um að eiga annan bíl! Brjálað að gera í vinnunni, er gjörsamlega heiladauð í lok dags. Var of þreytt til að fara út að hlaupa þegar stelpurnar eru sofnaðar, tímdi því ekki áður.

Fimmtudagur: Íris veik. Hver á að vera heima? Djöfull. Það okkar sem á að vera á vakt í stað stofugangs eða annars fer í vinnuna. Hitt er heima. Innri togstreita metnaðarins og samviskubits gagnvart vinnufélögum annars vegar og tilfinningar foreldris hins vegar berjast inni í okkur. Það er bara notalegt að vera heima með litla strumpinn þegar maður er búinn að losa sig við samviskubitið.

Föstudagur: Ég á kvöld-næturvakt. Gott að eiga rólega morgna inn á milli. Fullkomlega þess virði að vera í vaktavinnu. Jákup keyrir í vinnuna og ég hjóla með stelpurnar seinna en venjulega. Legg mig í 2 tíma og tek til. Sæki þær snemma og tek svo á móti barnapíunni sem kemur að passa þangað til Jákup er kominn heim. Ég hjóla í vinnuna.

Laugardagur: Kem heim kl.9 eftir kvöld-næturvakt, svaf ekkert á vaktinni en tími ekki að sofa á meðan stelpurnar eru vakandi. Leik við þær þangað til Íris þarf að leggja sig og sef á meðan. Hundrað verkefni á heimilinu bíða þess að vera sinnt. Þvottur eftir alla vikuna og þrif. Innkaup og matarplön fyrir vikuna. Samningaviðræður seinnipartinn un hvort foreldrið sé meira þreytt og hvort megi leggja sig. Samviskubit yfir því að hafa ekki verið nógu virk með stelpunum og hafi ekki gert eitthvað brjálæðislega frumlegt og örvandi eins og að fara niður á strönd í skítakulda og tína skeljar.... Fórum út á rólo í hálftíma. Fór heldur ekki út að hlaupa í dag.

Sunnudagur: Er að vinna dagvagt, seinnipartinn er í rólegheitum. Elda eitthvað fljótlegt úr frystinum eða pasta eins og venjulega. Hvert fór hugmyndaríkin í matargerð?? Þyrfti að hlaupa, skrifa verkefni, prjóna kápuna sem ég er að gera fyrir Írisi, sauma jóladagatal fyrir Írisi, setja myndir í albúm, taka til í geymslunni, horfa á kvikmyndina sem ég er búin að geyma í stofunni í margar vikur, lesa bókina sem ég þarf bráðum að skila á bókasafnið, hringja í 5 vinkonur, svara e-mailum, borga reikninga, lita á mér augabrúnirnar, raka á mér lappirnar, borða minna nammi. En ég sofnaði með Kristinu kl.20. Zzzzzzzzzzzzz

Októberblogg

Sjáið þetta krútt! Hún er alveg dásamleg :D

Fyrsti mánuðurinn er búinn í vinnunni og þetta er jafn crazy og ég reiknaði með. Mér finnst alltaf allt vera á hvolfi á heimilinu og ég næ aldrei að fara í ræktina. En vinnan er spennandi og ég held að stelpunum verði ekki mein af því að ég sé farin að vinna, og þá skiptir hitt engu máli :) Við Jákup erum að átta okkur á því hvernig best er að haga vöktunum okkar svo þær skarist ekki á. Við verðum að mestu í fríi um jólin og áramót, og reiknum með að foreldrar hans Jákups komi til okkar.

Íris er byrjuð að ganga meira og meira með stuðningi en þorir engan veginn að sleppa sér enn. Og Kristina kemur með gullmola á hverjum degi sem ég gleymi jafnóðum að skrifa niður. Þær eru alveg yndislegar saman, vilja helst alltaf vera nálægt hvorri annarri og hlæja mikið saman. Það er alveg óborganlegt!

Það er alveg að koma að því að ég byrji á tannréttingunum. Ég byrja á því að fá dregnar tvær tennur úr til þess að mynda pláss fyrir nýrri framtönn. Það verður ekki það skemmtilegasta, en ég verð tannlaus í tæpa viku þangað til teinarnir verða settir á. Ég mun telja niður mánuðina ;)

Mig langar í annan bíl! Ég hjóla alla daga í vinnunna (sem ég hef gott af) en er alltaf svo sveitt og í mikilli tímapressu að ná í stelpurnar.... Þegar ég vinn í lottóinu þá verður það það fyrsta sem við gerum :D

Thirtysomething

Jahá! Maður ætti að eiga stórafmæli amk tvisvar á ári ;) Þetta var rosalega góður dagur, sem byrjaði á afmælissöng kl.5.30 um morguninn. Jákup þarf að keyra í vinnuna kl.7, svo hann varð að byrja snemma ef hann ætlaði að ná að vera með okkur aðeins :) Við fengum köku í morgunmat sem Jákup bakaði kvöldið áður. Og svo fékk ég Garmin forerunner 405 HR hlaupaúr frá elskunni minni!
Kristinn bróðir og Pálína gáfu okkur saman tvö bindi af Ísland í aldanna rás, sem er svakalega flott bókasería og gaman að eiga :D Tengdó gáfu mér færeyskt ullarsjal og mamma og pabbi ætla að gefa mér hring sem ég vel mér þegar ég kem heim.

Við héldum upp á afmælið daginn eftur, 3.júlí, og fengum 40 manns í mat. Það heppnaðist rosalega vel og var dagurinn fullkominn í alla staði. Það var 30 stiga hiti og fólk sat úti langt fram á kvöld, og börnin hlupu um léttklædd (sumir, lesist Kristina, hlupu um í bikini með hjálm á hausnum á milli þess sem hún hjólaði um allt :). Við héldum fjörinu áfram til kl.4.30 um morguninn og var ég því frekar framlág þegar Íris vaknaði kl.6! Við erum búin að vera alla vikuna að jafna okkur :) Svona finnur maður fyrir aldrinum!
Annað merki um ellimerki kom þegar ég og Jákup fórum út að hlaupa um morguninn fyrir afmælisveisluna. Það var amk 22 stiga hiti og mikill raki, þótt klukkan væri ekki nema 8.30 um morguninn. Við vorum alveg að kafna úr hita, en þrjóskuðumst áfram þótt hægt fórum yfir. En eftir ca.2km fékk ég illt í hæ mjöðm sem leiddi niður í lærið. Ég vildi þó ekki stoppa, og hljóp í allt 8km, en um leið og fína úrið pípti að það væru komnir 8km, stoppaði ég og haltraði svo alla leið heim :( Ég er ekki búin að hlaupa síðan, því ég er búin að haltra alla vikuna. En ég held að þetta sé að verða búið núna, og ætla að reyna í dag. Það er því um að gera að setja sig inn í alla fídúsa í úrinu núna :)
Við fáum frænku hans Jákups og fjölskyldu í heimsókn um helgina, og ætlum að fara með þeim í legoland í 30 stiga hita. Svo er vika eftir af dagmömmu og leikskóla áður en stelpurnar eru komnar í 2ja vikna sumarfrí. Og þá fer alveg að koma að Íslandsferð :) Við getum ekki beðið!

Going thirty!

Elska þessa mynd! Íris er svo stolt :)

Þrítugsafmælið nálgast óðum, bara 4 dagar í stóra daginn! Jæks... Er það kannski ástæðan fyrir hreyfingarflippinu sem ég er að ganga í gegnum?? Er ég að reyna að snúa klukkunni við ómeðvitað? :) Ég er byrjuð að æfa fyrir hálfmarathon, sem við Mette ætlum að hlaupa annað hvort 4.sept í Tönder, eða 19.sept í Odense. Á laugardaginn hljóp ég í fyrsta sinn 10,2 km, en það lengsta sem ég hafði annars hlaupið í ár voru 9 km. Þetta gekk eins og í sögu, og ég svitnaði varla. Ég held að ég verði að fara að drekka meira vatn (og minna pepsi max kannski? humhum!), það er ekki eðlilegt hvað ég svitna lítið. Í gær skellti ég mér í spinning í súpertíma, náði maxpúls 92% af hámarki og meðalpúls var 80% af hámarki. Svitnaði ágætlega þar ;)
Tók svo fram málbandið í gær og mældi 4 staði (mitti, mjaðmir og bæði læri) og er búin að missa 20cm síðan í nóvember :D Í dag eru það 6 eða 7 km, en það verður að bíða þangað til það fer að kólna aðeins, því það er 25 stiga hiti!
Það er spáð góðu veðri alla vikuna og það á að toppa á laugardaginn, þegar við Jákup höldum veislu :) Við hlökkum mikið til! En það er nóg að gera þangað til....ég verð að fara að skipuleggja innkaup fyrir matinn. Við skruppum til Þýskalands í gær að versla gos og bjór fyrir afmælið og fylltum bílinn! :)

Íris er byrjuð hjá dagmömmu og það gengur betur og betur með hverjum deginum. Ég hlakka samt til lok júlí, því þá verðum við mæðgur í fríi í 2 vikur saman, allar þrjár. Þá er lokað í leikskólanum og hjá dagmömmunni og ég sakna þess að hafa þær hjá mér allan daginn. Þá verðum við heima í viku, og svo skreppum við til Íslands í 10 daga. Ég neita því þó ekki, að það er búið að vera ágætt að hafa morgnana til að leggja sig aðeins og hlaða batteríin. En ég sakna Írisar þó hún sé bara hjá dagmömmunni í 2-3 tíma enn sem komið er, og er svo hrædd um að missa af svo miklu. En þetta er óhjákvæmilegt. Ég verð bráðum að fara að vinna, og ég vill frekar gera þetta svona hægt og rólega, og leyfa henni að aðlagast á mörgum vikum, en að þurfa að henda henni í pössun frá 8-16 þegar ég byrja að vinna eftir stutta aðlögun. Vikuna áður en ég byrja að vinna erum við að fara í sumarbústað, þannig að þá verður líka gott að hún er búin að venjast, og verður ekki alveg kexrugluð.

Úff...ég trúi því ekki að fæðingarorlofið sé að verða búið :( Ég er að hugsa um að eignast 10 börn svo ég geti fengið sem mestan tíma heima ;) Ég má eiginlega ekki vera að því að fara að vinna! Ég er að prjóna, sauma, lesa bækur, hlaupa, púsla, horfa á fullt af kvikmyndum og þáttum sem við eigum eftir að sjá, framkalla myndir og setja í albúm og ramma, elda, þrífa, leika og knúsast í stelpunum. Full vinna skal ég ykkur segja ;)

Rødekro løbet

alt=""id="BLOGGER_PHOTO_ID_5479023085390595346" />





Í dag fórum við fjölskyldan öll saman og tókum þátt í Rödekro hlaupinu. Kristina hlóp 1.3 km, en við hjónin 6km. Krsitina var rosalega dugleg, og hljóp nánast alla leiðina, með smá göngupásum. Við jákup tókum með henni einn hring hvort, en þau áttu að hlaupa 2 stutta hringi. Hún var ægilega stolt og ánægð með medalíuna sína!
Það var frekar heitt í dag og logn, og allt of heitt til að hlaupa, en við höfðum þetta af. Ósk amma og íris voru með, og tóku myndir af okkur :)