Ein í sveitinni

Ég er búin að ryksuga (eða ryksjúga eins og þau segja hér:), þvo gólf, þvo þvott, vaska upp, lita augabrúnir og fara í bað í dag. Ég er líka búin að horfa á ca 8 Without a trace þætti og tala við dóttur mína í símann í dag. Hún er alsæl með köttunum heima hjá ömmu, og er búin að átta sig á því að hún kemst nær þeim þegar þeir hoppa upp á kommóður og annað ef hún tekur barnaskemilinn með sér þangað og stígur upp á hann. Hún fór í sund með pabba sínum í dag og fór 50 ferðir í rennibrautinni. Ég sakna hennar. Það er leiðinlegt að vera einn með sjálfum sér!