Nærfatafetish?

Kristina er á einhverju fataskeiði, henni finnst æðislegt að reyna að klæða sig í allt mögulegt. Oft er hún þar af leiðandi í tvennum buxum og náttfötum um miðjan dag osfrv. En nú slær öllu við. Hún var að róta í óhreina tauinu í dag og kom fram alsæl með nærbuxur af móður sinni um hálsinn. Ég reyndi að fjarlægja þær og setja aftur í bunkann, en þær voru sóttar aftur jafnharðan. Þá tók ég á það ráð að skipta og gefa henni hreinar nærur til að bera sem hálsfesti:D
Rétt fyrir kvöldmat fann hún svo skítugar boxer nærbuxur af pabba sínum, sem var að enda við að keppa í fótbolta. Þær varð hún að reyna líka. Hann reyndi sama ráð og ég fyrr í dag, með mun lakari árangri. Hún er þó búin að gleyma því núna:-)