Nynne

Ég var að koma úr bíó með vinkonunum. Við sáum Nynne, sem er danska útgáfan af Bridget Jones. Myndin var algjör snilld! En hvernig stendur á því að þegar maður les bókina og aðalsöguhetjan er að kvarta undan offitu og vegur 60kg, að þá vill svo til að aðalsöguhetjan í rauninni er heil 1.78cm á hæð og er að deyja úr hori? Ég var líka búin að ímynda mér að hún væri hálfóheppin í útliti líka, nema hvað gellan er bara stórglæsileg og það vottar ekki fyrir appelsínuhúð á henni þrátt fyrir 30+ ár...? Ég hefði átt að fara í leiklistarnám í staðinn fyrir læknisfræði. Þá gæti maður alla veganna sannfært sjálfan sig um að það sé fjárfesting í framtíð sinni að líta vel út og eyða miklum tíma í ræktinni. Og kaupa fullt fullt af dýrum fötum. Sem ég áttaði mig á að ég hef gert allt of lítið af. Ég get ekki beðið eftir að fara að þéna manneskjupeninga og geta eytt þeim í föt og strípur. Nema að þegar loksins þar að kemur þá er ég orðin of gömul til að eyða aleigunni á barnum og kaupa dýr stígvél. Øøøøøøv.