Mamma og pabbi koma til mín á morgun!! Ég get ekki beðið!

Letin er að drepa mig. Ég nenni ekki að læra meira fyrir prófið á föstudaginn:( Tek smá skorpu á morgun. Svo ætlum við út að borða annað kvöld. Jei! Þá er bara komið haustfrí, og ekki veitir af!!

Ég lék lækni í skólanum í dag. Sjúklingurinn var ung stelpa sem var í krísu af því að kærastinn hætti með henni og hún vildi fá svefnlyf til að sofa. Það kom leikkona og lék sjúklinginn, og hún lék hana svo vel að ég var alveg mállaus, og vissi ekkert hvað ég átti að segja! Hún hágrét með tárin lekandi niður kinnarnar! Þetta gekk svo sem en dj.... er óþægilegt að vera í þessari aðstöðu. Bekkjarfélagar mínir voru sammála um að þetta hefði verið langerfiðasti sjúklingurinn, af því að maður þarf að fá hana til að horfast í augu við að sambandið hafi kannski ekki verið það gott fyrir, og að hún komist alveg örugglega í gegnum þetta án þess að fremja sjálfsmorð osfrv. Og sjá til þess að hún hafi einhvern að tala við. Það er greinilegt að við erum engir leikarar, við erum alltaf eins og asnar þegar við eigum að leika. Það er svo erfitt að setja sig inn í aðstöðuna þegar það er fullt af fólki að horfa á þig og verið er að taka þetta upp á video!

Chiao!