Febrúarhangs

Jákup og Kristina í flugferð!

Rétt hjá þér Sigrún! Ég er lélegur bloggari þessa dagana. Ekki vegna þess að ekkert hafi verið um að vera upp á síðkastið. Bara af hreinni leti. Það er búið að vera margt um manninn á heimilinu.
Fyrst kom mamma um miðjan janúar, og pabbi stoppaði yfir helgi á meðan hún var hérna. Það var étið og étið, og við hjúin komumst í bíó:) Svo fór mamma, og nokkrum dögum seinna komu tengdó og voru í nokkra daga. Sama dag og þau fluttu sig um set yfir til Marianna, komu Sigrún og Jón Þór í heimsókn. Það var rosalega gaman að sjá þau, og mikið hlegið að vanda! Takk fyrir okkur;)
Fljótlega koma svo bæði Annie systir hans Jákups, og Kristinn bróðir og hans fjölskylda. Það er svo gaman að sjá allt þetta fólk!! Við Jákup erum "bara" að skrifa kandídatsverkefnin okkar þessa dagana, og það hefur ekki verið svona mikil ró yfir mér í marga mánuði. Ástæðan er sú, að ég er hálfpartinn strönduð í verkefninu eins og er, og á fund með leiðbeinandanum á eftir. Þannig að ég byrja vonandi á fljúgandi ferð aftur á morgun. Þangað til er ég búin að njóta þess svolítið að horfa á sjónvarpið, lesa bækur og sauma í fyrsta sinn í marga mánuði. Það er svo ljúft að vera svona stresslaus í nokkra daga. Verkefnið þarf hins vegar helst að klárast að mestu núna í feb, þannig að það verður ekkert hangs á morgun.
Mamma kom með Næturvaktina með sér, og ég horfði á alla þættina á 2 dögum. Svo er ég búin að vera með þetta á heilanum síðan! Þvílík snilld! Ég horfði svo á Astropiu í morgun, og fannst hún ekki alveg að gera sig. En bækurnar hans Stieg Larsson eru meiriháttar spennandi, og varla hægt að leggja þær frá sér! Mæli með þeim. Og Wire in the blood eru góðir þættir. Þá vitiði hvað ég er búin að vera að gera;-o hehe