Kill bill

Hversu geðveikur á maður að þurfa að verða í svona verkefnaskrifum???!

Fyrst er mánuðurinn búinn að vera mjög afkastalítill vegna gestagangs (þó hann hafi líka verið kærkominn, ekki misskilja!:) og vinnu, svo eyddi ég dögum í að fiksa forritin sem ég þurfti að nota. Þegar ég vaknaði í morgun sendi ég Jákup af stað með Kristinu til dagmömmunnar í fyrsta sinn í 5 daga, og ætlaði svo að demba mér í verkefnið. Nema hvað, tölvan var búin að láta lífið yfir nóttina! Hún vildi ekki starta og eftir nokkrar tilraunir og samtöl yfir atlantshafið við hann pabba, komumst við að þeirri niðurstöðu að endurlífgunartilraunir myndu ekki borga sig.

Hvað gera bændur þá?

Þeir fara út og kaupa sér nýja tölvu. Í Netto! Hehehe. Við vorum á leiðinni í Rosengaardcentret og vorum búin að ákveða nokkurn veginn að kaupa HP tölvu með 160 gB minni og 15 tommu skjá á 6000kr. En fórum í Netto að kaupa í matinn. Þá hafði þessi sama tölva verið á tilboði síðasta sunnudag og það voru 2 stk eftir! Á 5000kr.

Nú sitjum við Jákup á móti hvoru öðru með eins tölvur, bara litla og stóra bróður (hans er með 17 tommu skjá) og fílum þetta bara ágætlega. Gamla tölvan fer á haugana, og skrifborðið verður aftur hægt að nota í lærdóm. Svona borðtölvur taka svo mikið pláss.

Það er ekki allt alslæmt við svona óhöpp:-D